Sushi me spinaq dhe mish pule:
Perbersit:
100 gr. kofshë të ziera pule,
40 gr. majonezë,
kripë,piper të zi të grirë,
70 gr. spinaq të bluar,
190 gr. oriz,
uthull molle,
sheqer,
2-3 gjethe algë deti,
salcë soje.
Përgatitja:
E lajmë orizin në ujë të ftohtë derisa uji të bëhet mjaft i qartë. E vëmë orizin në një tenxhere dhe vëmë ujë (një gisht mbi orizin). Kur do të vlojë uji, e zvogëlojmë temperaturën e zierjes në minimum dhe ziejmë të mbuluar me kapak për 8 minuta; gjatë zierjes nuk e mbulojmë enën tërësisht. Pas 8 minutash e heqim enën dhe e lëmë të mbuluar edhe 5 minuta. Ndërkohë, në 0,3 dl. uthull molle shtojmë 4 gr. sheqer, përziejmë derisa të shkrihet. E vëmë orizin në një enë tjetër, shtojmë sheqerin e shkrirë me uthull, kripim sipas shijes dhe e lëmë të ftohet. Përziejmë herë pas here, kurse orizi nuk duhet të fryhet. Në ujë të nxehtë shtojmë uthull molle, i ngjyejmë gishtat që të mund të punojmë më mirë me përzierjen. Mbi gjethin e algës NORI vëmë oriz me trashësi rreth 1 cm., pastaj shtojmë një gjeth spinaq të bluar, në mes vëmë pak mish të zier pule të përzier me majonezë. Të gjitha këto i mbështjellim me një pecetë dhe i lëmë të ftohen. Pas 20 minutash e presim sushin në copa të barabarta dhe shërbejmë me salcën e sojës.
Comments