Spaghetti me sardele.
Përbërësit:
500 gr spaghetti
2 konserva sardele
2 lugë gjelle vaj ulliri
2-3 thelpinj hudhër të grira
1 majë lugë çaji spec djegës
270 gr domate konservë të copëtuara
120 gr ullinj pa bërthamë
1 lugë gjelle capperi të kulluara
rreth 2 lugë gjelle majdanos i grirë
kripë, piper.
Pergatitja.
Për të gatuar spaghetti me sardele veprojmë në këtë mënyrë: Ziejmë spaghetti-t në ujë me kripë sipas udhëzimeve të amballazhit. Ndërkohë skuqim hudhrën në vaj për rreth 1 minutë. Shtojmë specat djegës, domatet dhe sardelet. I gatuajmë duke përzierë dhe copëtuar sardelet me një lugë druri. Pas 2-3 minutave shtojmë ullinjtë dhe caperin. Kullojmë spaghetti-t duke ruajtur pak nga uji ku zienë dhe i hedhim bashkë me të në tigan. Ngremë zjarrin në maksimum dhe gatuajmë duke përzierë derisa salca të arrijë viskozitetin e dëshiruar. Rregullojmë shijen për kripë, shtojmë majdanozin, përziejmë dhe një herë dhe shërbejmë.
Ju bëftë mirë
Comentarios