Hallvë tradicionale.
Koha e pergatitjes: 15 Minuta.
Perberesit: Per 4 -5 persona.
120 gr gjalpë
120 gr miell
10 gr sheqer
230 ml ujë i ngrohtë
arra të thërmuara
Pergatitja.
Ujin dhe sheqerin bashkojini e lërini mënjanë.
Në një tenxhere shkrijeni gjalpën e kur të fillojë të nxjerr fluska, uleni temperaturën e shtojeni miellin.
Me ndihmën e një luge druri, kaurdiseni miellin për afro 10 minuta, derisa të marrë një ngjyre kafe të lehtë.
Në gjysmë të kaurdisjes së miellit, ujin e sheqerin vërini në zjarr për disa minuta. Jo shumë gjatë!
Miellin e kaurdisur largojeni nga zjarri, ndërsa lugën e drurit lëreni në të. Me dorën e majtë mbajeni kapakun e tenxheres e me të djathtën sherbetin e përgatitur.
Miellin mbulojeni me sherbetin e nxehtë dhe menjëherë mbulojeni me kapak.
Pas disa sekondash, kur masa të jetë “qetësuar”, trazojeni shpejt me lugën e drurit.
Kujdesuni që të mos lini copa mjelli pa tretur.
Hallvën e gatshme dekorojeni me arra të thërmuara.
Ju bëftë mirë.
Shenim.
Përgatitja e hallvës është një mjeshtëri në vete. Ajo duhet të ndahet lehtë nga luga, të mos ketë shumë miell, as shumë yndyrë. Gjithashtu,konsistenca e saj duhet të jetë e atillë që të mund të hahet edhe me dorë, por edhe me pirun. Ndajmë me ju recetën tradicionale të hallvës.
コメント